არსარვანი

სოფელი არსარვანი (არჯევან-სარვანი) ერთ-ერთი გამორჩეული სოფელია წალკის მუნიციპალიტეტში. ზღვის დონიდან მდებარეობს 1700 მეტრზე. წალკიდან 20 კილომეტრის დაშორებითაა. სოფელში შემორჩენილია უძველესი ცივილიზაციის არაერთი კერა ნანგრევი ეკლესიები, მენჰირები, ძველი სამარხები. მისი ძველი სახელია ახალშენი. არჯევან-სარვანი უწოდეს 1829-30 წლებში ჩამოსახლებულმა სომხებმა და ბერძნებმა. სოფელში შემორჩენილია ქართული ხუროთმოძღვრების, მათ შორის ისტორიული ძეგლები.
წმინდა გიორგის ეკლესია — ეროვნული მნიშვნელობის კატეგორიის კულტურის უძრავი ძეგლი. მდებარეობს.
ეკლესია შემკულია ჩუქურთმებით. აღმოსავლეთ სარკმლის ნახევარწრიული სათაურის ქვეშ ყურძნის მტევანია ამოკვეთილი, ხოლო სარკმლის ორივე მხარეს თითო შეწყვილებული ნახევარსვეტი. ძეგლი გადახურულია კამარით, აღმოსავლეთ და დასავლეთ ფასადებს გასდევს ლამაზად დამუშავებული კვეთილი კარნიზი.
აღმოსავლეთ სარკმლის ქვეშ ამოკვეთილ წარწერაში მოხსენიებულია გიორგი მეფე.

ექვთიმე თაყაიშვილის ვარაუდით, წარწერაში მოხსენიებული მეფე არის გიორგი I ან გიორგი II, რომლებიც XI საუკუნეში მოღვაწეობდნენ შესაბამისად ძეგლსაც XI საუკუნით ათარიღებს.
არჯევან-სარვანის წმინდა გიორგის ეკლესია 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია[1].
აქვეა ღვთისმშობლის ეკლესიის ნანგრევები, რომელიც მე11-12 საუკუნით თარიღდება.

საინტერესოა სოფლის ცენტრში მდებარე მოხატული ქვები და მენჰირი.